Komisioneri Shtetëror i Zgjedhjeve, z. Ilirjan Celibashi dhe Nënkomisionerja, zj. Lealba Pelinku zhvilluan një bashkëbisedim me gazetarët lidhur me rezultatet e kryqëzimit të të dhënave të Pajisjeve Elektronike të Identifikimit të përdorura në zgjedhjet e pjesshme të datës 6 Mars 2022.
Zonja Pelinku prezantoi procesin e kryer për kryqëzimin e të dhënave të PEI dhe theksoi se rezultatet e këtij procesi do të jenë pjesë e raportit që do t’i paraqitet organeve ligjzbatuese për rastet e dyshuara si tentativë votimit të dyfishtë/shumfishtë.
Në përfundim të kryqëzimit të të dhënave të PEI, për zgjedhjet e datës 6 mars rezultojnë 47 raste të dyshimta.
Të dhënat për zgjedhjet e dates 6 Mars 2022
Pelinku tha se qëllimi për të cilin teknologjia e identifikimit të zgjedhësve u implementua është përmbushur dhe me sukses.
Komisioneri Celibashi prezantoi të dhënat sa i përket pjesëmarrjes në votime në zgjedhjet e datës 6 Mars 2022, orarit të preferuar për votim, të dhënat gjinore të votuesve dhe të dhëna për grupmoshat e votuesve. Gjithashtu, ai paraqiti edhe të dhënat e nxjerra për zgjedhjet për Kuvend, të datës 25 Prill 2021.
Të dhënat për zgjedhjet e dates 25 Prill 2021
Celibashi theksoi se implementimi i teknologjisë së identifikimit të zgjedhesve, votimit dhe numërimit elektronik është realizuar me sukses nga KQZ, konstatim i cili është bërë edhe nga raporti i OSBE-ODIHR.
Interesit të gazetarëve lidhur me implementimin në të gjithë territorin e vendit, të votimit dhe numërimit elektronik, Celibashi u shpreh se ky është një vendim i vullnetit të partive politike, por ajo ccfarë KQZ sugjeron si një hap të dytë, do të ishte implementimi i votimit dhe numërimit elektronik pjesërisht në disa bashki.
Komisioneri Celibashi shtoi se KQZ ka nxitur dhe do të vijojë të nxisë aktorët politik për të filluar sa më parë reformën zgjedhore, pasi vonesat në këtë drejtim do të ndikojë drejtëpërdrejtë në punën e Komisionit Qendror të Zgjedhjeve dhe institucioneve të tjera të ngarkuara nga Kodi Zgjedhor me detyra në proceset zgjedhore.
