Sot, Komisioneri Shtetëror i Zgjedhjeve shqyrtoi kërkesat e “Partisë për Europianizimin dhe Integrimin e Shqipërisë”, “Partisë së Lirisë” dhe “Partisë Socialiste të Shqipërisë” për regjistrimin si subjekte zgjedhore në zgjedhjet e pjesshme për Kryetar të Bashkisë Kukës. Komisioneri vendosi regjistrimin e PL, PEISH dhe PS, si subjekte zgjedhore për zgjedhjet e pjesshme që do të zhvillohen më datë 24 Shtator 2023.

Gjithashtu, shqyrtoi kërkesën e z. Sali Berisha për regjistrimin e “Partisë Demokratike”, dhe kërkesën e z. Lulzim Basha për regjistrimin e “Partisë Demokratike të Shqipërisë”  si subjekt zgjedhor në zgjedhjet e pjesshme për Kryetar të Bashkisë Kukës.

Komisioneri vendosi regjistrimin si subjekt zgjedhor për zgjedhjet e pjesshme të datës 24 Shtator 2023, të “Partisë Demokratike të Shqipërisë” me kryetar z. Lulzim Basha.

Në këtë seancë u plotësuan dhe vakancat e krijuara në këshillat bashkiak si më poshtë:

1. Këshilli i Bashkisë Pogradec, me kandidatin nga lista shumemërore e “Partisë Socialiste të Shqipërisë”, z. Jovan Shkëmbi.
2. Këshilli i Bashkisë Dropull, me kandidatin nga lista shumemërore e Koalicionit “Bashkë Fitojmë”, z. Pandeli Kuremeno.
3. Këshilli i Bashkisë Memaliaj, me kandidatin nga lista shumemërore e Koalicionit “Bashkë Fitojmë”, z. Flamur Mushamataj.
4. Këshilli i Bashkisë Librazhd, me kandidatin nga lista shumemërore e “Partisë Demokracia Sociale”, zj. Erjola Albrahimi.
5. Këshilli i Bashkisë Belsh, me kandidatin nga lista shumemërore e “Partisë Socialiste të Shqipërisë”, zj. Aurela Hysa.
6. Këshilli i Bashkisë Belsh, me kandidatin nga lista shumemërore e “Partisë Socialiste të Shqipërisë”, zj. Enkeleda Kullolli.
7. Këshilli i Bashkisë Belsh, me kandidatin nga lista shumemërore e “Partisë Socialiste të Shqipërisë”, zj. Ervina Meta.
8. Këshilli i Bashkisë Lezhë, me kandidatin nga lista shumemërore e “Partisë Socialdemokrate”, zj. Adelina Toma.
9. Këshilli i Bashkisë Lezhë, me kandidatin nga lista shumemërore e “Partisë Socialdemokrate”, zj. Vera Deda.
10. Këshilli e Bashkisë Lezhë, me kandidatin nga lista shumemërore e “Partisë Socialdemokrate”, zj. Flora Margjonaj.
11. Këshilli i Bashkisë Dibër, me kandidatin nga lista shumemërore e “Partisë Socialdemokrate”, z. Andrit Lika.
12. Këshilli i Bashkisë Kuçovë, me kandidatin nga lista shumemërore e “Partisë Socialiste të Shqipërisë”, zj. Aurela Rumbullaku.