Komisioneri Shtetëror i Zgjedhjeve, z. Ilirjan Celibashi priti në takim Ambasadorin e Bashkimit Evropian, z. Silvio Gonzato. Qëllimi i takimit ishte diskutimi mbi reformën zgjedhore dhe përshpejtimin e realizimit të saj.  

Ambasadori Gonzato u shpreh se forcat politike duhet të punojnë sëbashku për këtë qëllim dhe mirëpret rolin konsultativ të KQZ për amendimin e Kodit Zgjedhor.

Komisioneri Celibashi theksoi se reforma zgjedhore është e domosdoshme për të garantuar nivelin më të lartë të integritetit të zgjedhjeve në Shqipëri. Ai e falenderoi Delegacionin e Bashkimit Evropian për mbështetjen në realizimin e fazës së parë të Platformës Elektronike të Raportimit Financiar – PERF nëpërmjet Zyrës së këshillit të Evropës në Tiranë dhe kërkoi mbështetjen e Ambasadorit Gonzato për implementimin e fazave të tjera të këtij projekti.