Komisioni i Ankimimeve dhe Sanksioneve shqyrtoi 3 kërkesat ankimore:
- 01 depozituar nga Partia Popullore Kristiandemokrate e Shqipërisë, me objekt “1. Kundërshtimin e vendimet nr. 823, datë 07.12.2023 të KSHZ “Për Miratimin e raportit të gjetjeve nga auditimi i fondeve të përfituara dhe shpenzuara nga partitë politike për vitin kalendarik 2021”, konkretisht pikës 96 të tij, për “Marrjen e masës administrative, për partinë politike “Partia Popullore Kristiandemokrate e Shqipërisë”, me gjobë në vlerën 1 000 000 (një milion) lekë, sipas 23/4, pika 2 të ligjit “Për partitë politike”. 2. Shfuqizimin e pikës 96, të vendimit nr. 823, datë 07.12.2023 të Komisionit Qendror (Shtetëror) të Zgjedhjeve “Për miratimin e raportit të gjetjeve nga auditimi i fondeve të përfituara dhe shpenzuara nga partitë politike për vitin kalendarik 2021”;
- 03 depozituar nga Partia G99, kryetari z. Redi Shtino, me objekt “Kundërshtim i vendimit nr. 823, datë 7.12.2023 “Për miratimin e raportit të gjetjeve nga auditimi i fondeve të përfituara dhe shpenzuara nga partitë politike për vitin kalendarik 2021”;
- 04 depozituar nga Partia Aleanca Popullore, me objekt “1. Kundërshtim i vendimit nr. 823, datë 7.12.2023 “Për miratimin e raportit të gjetjeve nga auditimi i fondeve të përfituara dhe shpenzuara nga partitë politike për vitin kalendarik 2021”. 2. Shfuqizimin e pikës 101, të vendimit nr. 823, datë 7.12.2023 “Për miratimin e raportit të gjetjeve nga auditimi i fondeve të përfituara dhe shpenzuara nga partitë politike për vitin kalendarik 2021”.
Në përfundim të shqyrtimit, KAS pranoi pjesërisht kërkesën e Partisë Popullore Kristiandemokrate të Shqipërisë dhe të Partisë Aleanca Popullore, vendosi ndryshimin e pikës 96 dhe 101 të vendimit nr. 823, datë 7.12.2023 të Komisionerit dhe vendosi sanksionin admministrativ gjobë, në vlerën 60.000 lekë sipas nenit 23/4, pika 1 të ligjit “Për Partitë Politike”.
Gjithashtu, KAS vendosi rrëzimin e kërkesës nr. 03 depozituar nga Partia G99.
