Sot, Komisioneri Shtetëror i Zgjedhjeve, Ilirjan Celibashi bashkëbisedoi me përfaqësues të medias lidhur me ecurinë e procesit të regjistrimit të votuesve nga jashtë në Platformën Elektronike të Regjistrimit (PER).
Të dhëna mbi sistemin PER deri ditën e sotme:
- 38.231 zgjedhës (unike) që kanë bërë kërkesë për regjisrtim (1 ose më shumë herë);
- 9.104 zgjedhës (unike) të cilëve u është refuzuar kërkesa;
- 1.873 numri i ri-aplikimeve (nr. unik i zgjedhësve që janë refuzuar dhe kanë ri-aplikuar);
- 636 numri unik i zgjedhësve që kanë riaplikuar dhe u është miratuar kerkesa;
- 41.340 numri total i kërkesave të marra.
- Refuzimet sipas bashkisë
- Tiranë 1.160
- Fier 753
- Durrës 500
- Berat 470
- Refuzimet sipas shtetit
- Italia 3.887
- Greqia 2.357
- Gjermania 1.276
- USA 356
- Anglia 251
Pas përcjelljes së informacionit të detajuar për aplikuesit për tu regjistruar si votues nga jashtë, vendet nga të cilat janë bërë aplikimet dhe bashkive që ju përkasin zgjedhësit që aplikuan, ai përmendi gabimet që po bëjnë aplikuesit në ngarkimin e dokumenteve që vërtetojnë adresën e tyre të vendqendrimit dhe saktësimet që ata duhet të bëjnë për një aplikim të suksesshëm.
Komisioneri Celibashi solli në vëmendje rastet e aplikimit të qytetarëve shqiptar nga Italia, të kanë numrin më të lartë të ngarkimit të dokumentit, patentën italiane (faqen para të patentës) në mënyrë të gabuar në PER. Ai theksoi se qytetarët shqiptarë që jetojnë në Itali duhet të ngarkojnë në platformë pjesën e pasme të patentës italiane, pasi pjesa e pasme përmban adresën e vendbanimit të tyre.
Celibashi deklaroi se KQZ do t’i dërgojë Kuvendit të Shqipërisë propozimet për disa ndryshime teknike të Kodit Zgjedhor, që kanë të bëjnë me koston e postës në kthim nga zgjedhësi jashtë vendit në KQZ, që do të mbulohet nga Shteti Shqiptar, rishikimin e afatit të regjistrimit të koalicioneve dhe kandidatëve, si dhe të ndryshimit të strukturës që do të merret me vlerësimin dhe numërimin e fletëve të votimit të votimit nga jashtë.
Gjithashtu, informoi se numri i shtetasve (me të drejtë vote) të cilëve në periudhën 15 prill – 15 Maj, 2025 ju skadon letërnjoftimi është 435.690 shtetas, që ju skadon pashaporta është 600.248 shtetas dhe që ju skadon edhe letërnjoftimi elektronik edhe pasaporta biometrike është 209 931 shtetas. Ndërkohë, 160.213 shtetas rezultojnë të mos kenë aplikuar asnjëherë për letërnjoftim elektronik apo pasaporte biometrike.
Komisioneri Celibashi deklaroi se duke marrë në konsideratë shifrat e mësipërme dhe çfarë është diskutuar më përfaqësues të shoqërisë civile dhe përfaqësuesit e partive politike, është e përligjur kërkesa që do t’i drejtojë KQZ Këshillit të Ministrave që të zgjasë nëpërmjet aktit normativ afatin e vlefshmërisë së dokumenteve të identifikimit.
KSHZ duke i’u përgjigjur interesit të gazetarëve lidhur me aplikimin e votimit dhe numërimit elektronik, tha se do të implementohet si projekt pilot pas mosdakordësimit të partive politike për ta shtrirë në të gjithë qarkun e Tiranës.
