Komisioneri Shtetëror i Zgjedhjeve shqyrtoi administrativisht veprimtaritë publike të Bashkisë Kamëz, të Ministrisë për Europën dhe Punët e Jashtme, të Bashkisë Lezhë, të Ministrisë së Ekonomisë, Kulturës dhe Inovacionit, të Agjencisë Kombëtare të Punësimit dhe Aftësive dhe të Bashkisë Cërrik, për periudhën 11 janar – 18 janar 2025. 

Në përfundim të shqyrtimit, Komisioneri vendosi pushimin e hetimit administrativ ndaj: 

1. Bashkisë Kamëz,
2. Ministrisë për Europën dhe Punët e Jashtme,
3. Bashkisë Lezhë,
4. Ministrisë së Ekonomisë, Kulturës dhe Inovacionit,
5. Agjencisë Kombëtare të Punësimit dhe Aftësive

Sa i përket veprimtarive publike të Bashkisë Cërrik, për periudhën 11 janar – 18 janar 2025, KSHZ  dëgjoi dhe administroi pretendimet e palës dhe vendimmarrja do të shpallet në seancën e ardhshme, ndërkohë do të vijojë hetimi administrativ ndaj Bashkisë Kamëz bazuar në denoncimin me nr. 1, datë 13.01.2025 të Organizatës “Qendresa Qytetare”. 

Gjithashtu, KSHZ në përfundim të shqyrtimit administrativ të denoncimin me nr. 2, datë 14.01.2025, të Organizatës “Qendresa Qytetare” vendosi pushimin e hetimit administrativ ndaj drejtorëve të 18 shkollave të mesme dhe 9-vjeçare, ndaj drejtorëve të 13 drejtorive të zyrave vendore të arsimit parauniversitar, ndaj drejtorëve të 4 drejtorive rajonale të arsimit parauniversitar dhe ndaj drejtorit të Agjencisë Kombëtare të Arsimit Parauniversitar. 

Njoftimi i plotë