Komisioneri Shtetëror i Zgjedhjeve, z. Ilirjan Celibashi mikrpiti sot Kryesuesen e Zyrës së Këshillit të Europës në Tiranë, Ambasadoren Giulia Re’ dhe Ambasadorin e Gjermanisë në Shqipëri, z. Karlfried Bergner.
Komisioneri i njohu me ecurinë raportimit të aktiviteteve siç parashikohen nga Kodi Zgjedhor dhe aktet e KQZ-së në fuqi dhe përgatitjet për procesin zgjedhor të 11 Majit 2025.
Celibashi i shprehu Ambasadorëve vlerësimin për ndihmën e akorduar ndaj KQZ-së, në realizimin e platformës së raportimit NRI, të veprimtarive publike të institucioneve dhe enteve shtetërore, por edhe për mbështetjen e fortë institucionale në prag të zgjedhjeve për Kuvend 2025.
