Komisioneri Shtetëror i Zgjedhjeve në seancën e sotme publike vlerësoi raportime e veprimtarive me karakter publik për periudhën 26 janar – 1 shkurt 2025.
Në përfundim të shqyrtimit, u vendos miratimi i raportit të gjetjeve mbi veprimtaritë publike për periudhën 26 janar deri më 01 shkurt 2025 dhe fillimi i procedimit administrative ndaj:
- Bashkisë Pukë.
- Zyrës Vendore Arsimore Peqin.
- Bashkisë Librazhd.
- Drejtorisë Vendore të Policisë Lezhë.
- Drejtorisë Vendore të Policisë Fier.
Sot, u shpall vendimi për shqyrtimin administrativ të veprimtarive publike të Bashkisë Cërrik, për periudhën 19 janar – 25 janar 2025. Komisioneri vendosi pushimin e hetimit administrativ.
Gjithashtu, u shqyrtua rezultati i verifikimit të Prokurorit të Përgjithshëm për subjektin vetëdeklarues z. Erin Pjeter Gjoni, anëtar në Këshillin e Bashkisë Lezhë, i propozuar nga subjekti zgjedhor Partia Socialdemokrate, për zgjedhjet për organet e qeverisjes vendore të datës 14 maj 2023. Duke marrë në kosndieratë dorëheqjen e z. Gjoni nga funksioni i këshillarit të bashkisë Lëzhë, Komisioneri vendosi pushimin e shqyrtimit administrativ.
