Komisioneri Shtetëror i Zgjedhjeve caktoi kohën falas të transmetimit të fushatës zgjedhore të partive politike të regjistruara si subjekte zgjedhore në Radiotelevizionin publik për zgjedhjet e pjesshme për kryetar bashkie, të datës 6 Mars 2022.

Komisioneri vendosi caktimin e një minutazhi kohor transmetimi të barabartë prej 60 minutash, përkatësisht 30 minuta në Televizionin Publik dhe 30 minuta në Radion publike, për pasqyrimin e fushatës zgjedhore për Partinë Socialiste të Shqipërisë dhe Partisë Demokratike. Caktoi minutazhin prej 30 minutash, përkatësisht 15 minuta në Televizionin Publik dhe 15 minuta në Radion Publike, për pasqyrimin e fushtaës zgjedhore për koalicionin “Shtëpia e Lirisë”, si edhe minutazhin prej 20 minutash, përkatësisht 10 minuta në Televizionin Publik dhe 10 minuta në Radion Publike, për pasqyrimin e fushtaës zgjedhore partinë “Lëvizja e Re”.

Në seancën e sotme publike, Komisioneri Miratoi përfaqësuesit e medias TV “Fax News”, “Panorama Group”, “Media Motiv”, TV “A2 CNN”, “TV Kopliku”, vëzhguesit e Ambasadës së Republikës së Bullgarisë dhe vëzhguesit e Qendresës Qytetare, për vëzhgimin e zgjedhjeve të pjesshme për kryetar bashkie të datës 6 Mars 2022.

​