Komisionier Shtetëror i Zgjedhjeve, z. Ilirijan Celibashi zhvilloi takim virtual (online) me përfaqësues të Kongresit të Autoriteteve Lokale dhe Rajonale të Këshillit të Evropës,

raporterët Stewart DICKSON nga Mbretëria e Bashkuar, zj. Gunn-Marit HELGESEN nga Norvegjia, z. Vladimir PREBILIC nga Sllovenia, zj. Randi MONDORF nga Danimarka dhe ekspertin Dr. Pavel PSEJA, Anëtar i Grupit të Ekspertëve të Pavarur të Kongresit.

Qëllimi i takimit ishte njohja e reporterëve me përgatitjet e zgjedhjeve të pjesshme për kryetar bashkie që do të zhvillohen në datën 6 Mars 2022.

Komisioneri Celibashi mirëpriti angazhimin e Kongresit të Autoriteteve Lokale dhe Rajonale të Këshillit të Evropës për monitorimin e zgjedhjeve të pjesshme në 6 bashki të vendit dhe i njohu reporterët me ecurinë e përgatitjes së procesit zgjedhor. Gjatë bashkëbisedimit u trajtuan edhe çështjet me interes për reporterët si, transparenca dhe kontrolli i financave të partive politike, votimi dhe numërimi elektronik në bashkinë e Vorës, votimi i shqiptarëve që jetojnë jashtë vendit, administrata zgjedhore e niveleve të dyta dhe të treta dhe reforma e ardhshme zgjedhore.