Komisioni Qendror i Zgjedhjeve ka përgatitur një aplikacion elektronik për simulimin e procesit të votimit elektronik që do të implementohet në bashkinë e Vorës në zgjedhjet e pjesshme të datës 6 mars 2022.  

Demostrimi online i procedurës së votimit elektronik i jep mundësinë zgjedhësve të bashkisë Vorë, që përmes pajisjeve elektronike kompjuter, laptop, ipad dhe telefonëve të zgjuar (smartphone) të njihen me procedurën e votimit që duhet të ndjekin në ditën e zgjedhjeve.  

Qëllimi i simulimit të procedurës së votimit elektronik përmes teknologjisë është njohja e sa më shumë zgjedhësve me procesin e votimit për shkak të kohës së shkurtër në dispozicion të tyre.  

Për këtë qëllim KQZ ka bashkëpunuar edhe me subjektet zgjedhore pjesëmarrëse në zgjedhjet e datës 6 mars 2022, që ta shpërndajnë tek mbështetësit e tyre.  

Të gjithë zgjedhësit e bashkisë Vorë të cilët disponojnë pajisje të teknologjisë së informacionit apo një telefon të zgjuar, mjafton të klikojnë mbi linkun https://kqz.gov.al/votime_vore/  i cili është i publikuar dhe në faqen zyrtare të KQZ-së, dhe të njihen me procedurat e votimit që do të ndjekin ditën e zgjedhjeve, në datën 6 mars 2022.