Ka përfunduar procesi i votimit në të gjithë qendrat e votimit, të cilat sipas raportimeve janë mbyllur në orën 19:00. Sipas informacionit të që disponon KQZ, vetëm një numëri i vogël i qendrave të votimit janë hapur pas orë 7:00.  

Nga 942 qendra votimi në total në 6 bashkitë ku u zhvilluan zgjedhjet e pjesshme, në 3 QV nuk u arrit të fillontë procesi i votimi, përkatësisht 2 QV (0132 dhe 0133) në Shosh dhe 1 QV (0092) në Pult. Në këto QV votimi nuk u zhvillua. Shkak ishin kushtet atmosferike për të cilat kemi raportuar në vijueshmëri. 

Dita e votimit përgjithësisht ishte e qetë, me çeshtje të izoluara të cilat nuk cënuan mbarëvajtjen e procesit zgjedhor.  

 PEI 

Në 21 QV ka patur herë pas herë ndërprerje të shkurtra të identifikimit (PEI)  

Në 18 QV është bërë zëvëndësimi i PEI me pajisjen zëvëndësuese    

1. 9 në Durrës  
2. 4 në Shkodër  
3. 1 në Dibër   
4. 1 në Lushnjë  

Në 6 QV u identifikuan zgjedhësit manualisht për shkak të mungesës së operatorëve të PEI ose kalimit manualisht pas disa arsye të vonesave të operatorëve ose arsye teknike. 

Konkretisht: 

1. 1 në Shkodër
2. 2 në Dibër 
3. 1 Durrës 
4. 1 në Rrogozhinë (burgu) 
5. 1 Lushnjë 

 Në rreth 4 % të qendrave të votimit ka patur ndërprerje të energjisë elektrike. 

  PEVN 

Procesi i votimit dhe numërimit elektronik në bashkinë Vorë u implementua me sukses.  

Rezulatet paraprake për bashkinë e Vorës janë: 

Kanë marrë pjesë në votim 11096 zgjedhës.

1. Kandidati Lulëzim Vrana i koalicioni “Shtëpia e Lirisë” ka marrë 2589 vota;
2. Kandidati Blerim Shera i Partisë Socialistë ka marrë 7530vota;
3. Kandidati Ymer Marku i Partisë Demokratike ka marrë 687 vota;

Vota të pavlefshme 290.

Hapat në vazhdim 

1. Komisionet e QV kanë filluar procesin e dorëzimit të kutive të votimit dhe materialet e zgjedhore në KZAZ;
2. KZAZ-të kanë ngritur grupet e numërit (69 GNV total) dhe KQZ ka marrë të gjithë masat për trajnimin e tyre për ata anëtarë të cilët janë emëruar në momentet e fundit;  
3. Menjëherë sapo të gjithë materiale zgjedhore dhe kutitë e votimit të meeren në dorëzim nga KZAZ-të do të fillojë procesi i numërimit në mënyrë të pandërprerë:
4. Nxjerrja e tabelës përmbledhëse e rezultatit të zgjedhjeve për Zonën e Administrimit Zgjedhor nxirret nga KZAZ-të duhet të nxirret jo më vonë se ora 22:00 e ditës së neserme të votimit.

Komisioneri Celibashi i bëri thirrje anëtarëve të grupeve të numërimit të vijojnë procesin e numërimit pa ndërprerje. Gjithashtu, i bëri apel KZAZ-ve që të mos lejojnë në ambjentët e Vendeve të Numërimit të Votave persona të paautorizuar.

Rezultatet paraprake mund ti gjeni në kohë reale në faqen zyrtare të KQZ-së dhe Aplikacionin KQZ.