Sot, Komisioneri Shtetëror i Zgjedhjeve vendosi dhënien e mandatit të Kryetarit të Bashkisë Dibër, qarku Dibër, z. Rahim Spahiu, të propozuar nga Partia Socialiste e Shqipërisë, dhënien e mandatit të Kryetarit të Bashkisë Vorë, qarku Tiranë, z. Blerim Shera, të propozuar nga Partia Socialiste e Shqipërisë dhe dhënien e mandatit të Kryetarit të Bashkisë Rrogozhinë, qarku Tiranë, z. Edison Memolla, të propozuar nga Partia Socialiste e Shqipërisë.
Gjithashtu, në seancën e sotme publike Komisioneri vendosi:
- Të miratojë Tabelën Përmbledhëse të Rezultatit për zgjedhjen e Kryetarit të Bashkisë Durrës, Qarku Durrës, dhe t’i japë mandatin e kryetarit, zj. Emiriana Sako, e propozuar nga Partia Socialiste e Shqipërisë;
- Të miratojë Tabelën Përmbledhëse të Rezultatit për zgjedhjen e Kryetarit të Bashkisë Lushnjë, qarku Fier dhe t’i japë mandatin e kryetarit, zj. Eriselda Sefa, e propozuar nga Partia Socialiste e Shqipërisë;
- Të miratojë Tabelën Përmbledhëse të Rezultatit për zgjedhjen e Kryetarit të Bashkisë Shkodër, qarku Shkodër dhe t’i japë mandatin e kryetarit, z. Bardh Spahia, propozuar nga koalicioni “Shtëpia e Lirisë”.
