Sot, në seancën publike të Komisionerit Shtetëror të Zgjedhjeve vijoi shqyrtimin administrativ ndaj personave përgjegjës, për raportimin e veprimtarive publike për zgjedhjet për organet e qeverisjes vendore, të datës 14 maj 2023.
Nga 13 institucione të cilat janë konstatuar në shkelje të afatit për raportim, 3 prej tyre paraqitën parashtrimet.
Në përfundim të vlerësimit do të konkludohet me vendimmarrje nga ana e Komisionerit Shtetëror të Zgjedhjeve.
Gjithashtu, përfundoi hetimi administrativ për verpimtaritë publike të raportuara nga institucionet publike, qendrore dhe vendore si dhe agjencitë dhe/ose ndërmarrjet shtetërore, për periudhën 10 shkurt – 16 shkurt 2023.
Komisioneri vendosi pushimin e procedimit administrativ ndaj institucioneve si vijon:
- Ministri i Shtetit për Mbrojtjen e Sipërmarrjes;
- Ministria e Shëndetësisë dhe Mbrojtjes Sociale;
- Kuvendi i Shqipërisë;
- Banka e Shqipërisë;
- Agjencia Shtetërore e Kadastrës;
- Agjencia Kombëtare e Arsimit, Formimit Profesional;
- Teatri Kombëtar i Operas, Baletit dhe Ansambli Popullor;
- Drejtoria e Përgjithshme e Burgjeve;
- Autoriteti Kombëtar i Ushqimit;
- Bashkia Delvinë;
- Bashkia Fier;
- Bashkia Lushnjë;
- Bashkia Mallakastër;
- Bashkia Përmet;
- Bashkia Shkodër;
- Bashkia Kuçovë.
Në seancën e sotme publike u vlerësuan raportimet e veprimtarive me karakter publik të institucioneve publike, qendrore dhe vendore si dhe agjencive dhe/ose ndërmarrjeve shtetërore, për periudhën 17 shkurt – 23 shkurt 2023. Nga 17 institucione të cilat u konstatuan në shkelje të afatit për raportim, 15 prej tyre paraqitën parashtrimet.
Në përfundim të vlerësimit do të konkludohet me vendimmarrje nga ana e Komisionerit Shtetëror të Zgjedhjeve.
Për vëzhgimin e procesit të zgjedhjeve për organet e qeverisjes vendore u akredituan 28 (njëzet e tetë) vëzhgues afatgjatë të Komitetit Shqiptar të Helsinkit dhe 30 (tridhjetë) vëzhgues afatgjatë të organizatës “Qendresa Qytetare”.
