Sot, Komisioneri Shtetëror i Zgjedhjeve në seancë publike vendosi të shpërndajë fondin prej 345 341 079 (treqind e dyzet e pesë milion e treqind e dyzet e një mijë e shtatëdhjetë e nëntë) lekë, partive politike për vitin 2023.
- Partia Socialiste e Shqipërisë (PS) 151.494.783lekë
- Partia Demokratike (PD)402.261 lekë
- Partia për Drejtësi, Integrim dhe Unitet (PDIU)753.658 lekë
- Partia Bashkimi për të Drejtat e Njeriut (PBDNJ)018.647 lekë
- Partia Republikane Shqiptare (PR)488.669 lekë
- Partia Agrare Ambjentaliste e Shqipërisë (PAA)018.647 lekë
- Partia Lëvizja për Zhvillim Kombëtar (LZHK)018.647 lekë
- Partia Lëvizja e Legalitetit (PLL)018.647 lekë
- Partia e Lirisë (PL)577.215 lekë
- Partia Social Demokrate (PSD)266.269 lekë
- Partia Nisma Thurje (NTH)283.636 lekë
Për zgjedhjet vendore të datës 14 Maj 2023, vëzhguesit e subjekteve zgjedhore do të akreditohen nga Komisionet e Zonave të Administrimit Zgjedhor. Kjo kompetencë i’u delegua KZAZ-së nga KSHZ në seancën e sotme publike.
Për vëzhgimin e zgjedhjeve për organet e qeverisjes vendore u akredituan vëzhgues të shoqatës “Sebastia”, Shoqatës për Kulturë Demokratike, “Qendrës për Trajnim Zgjedhor të Vazhdueshëm” dhe “Paneli Zgjedhor për Ankesa dhe Parashtresa”.
Sot u bë vlerësimi i raportimeve të veprimtarive me karakter publik të disa institucioneve, për periudhën 24 mars – 30 mars 2023. Gjatë kësaj periudhe janë raportuar 353 aktivitete, nga 67 institucione. Nga verifikimi paraprak rezulton se nga këto, 16 aktivitete të zhvilluara nga 11 institucione janë raportuar në tejkalim të afatit ligjor. Komisioneri në përfundim të shqyrtimit administrativ konstatoi se disa institucione kanë raportuar datën për zhvillimin e veprimtarisë në kushtet e gabimit njerëzor, disa prej institucioneve kanë qenë në cilësinë e të ftuarit, dhe në disa raste veprimtaria ka qenë me karakter administrativ që lidhet me veprimtarinë funksionale të institucionit. KSHZ vendosi moskonstatimin e shkeljes administrative dhe pushimin e procedimit administrativ ndaj institucioneve:
- Ministria e Financës dhe Ekonomisë,
- Ministria e Turizmit dhe Mjedisit,
- Ministri i Shtetit për Mbrojtjen e Sipërmarrjes,
- Ministri i Shtetit për Marrëdhëniet me Parlamentin,
- Komisioneri për të Drejtën e Informimit dhe Mbrojtjen e të Dhënave Personale (IDP)
- Prefekti i Qarkut Shkodër,
- Bashkia Tiranë,
- Bashkia Korçë,
- Bashkia Kurbin,
- Bashkia Tepelenë,
- Zyra Vendore e Arsimit Parauniversitar Pogradec
Gjithashtu, u vlerësua raportimi i veprimtarive me karakter publik të disa institucioneve, për periudhën 31 mars – 6 prill 2023. Gjatë kësaj periudhe janë raportuar 262 aktivitete nga 67 institucione. Nga verifikimi paraprak rezulton se, nga këto, 11 aktivitete të zhvilluara nga 8 institucione, janë raportuar në tejkalim të afatit ligjor. Nga këto veprimtari, të raportuara jashtë afatit ligjor/me pjesëmarrje personash politikë është ndaluar 1 veprimtari e planifikuar për t’u zhvilluar nga Bashkia Korçë. Në përfundim të shqyrtimit administratriv, Komisioneri do të dalë me vendimmarrje.
U shpall moszgjedhshmëria e kandidatit të radhës në listën shumemërore të Partisë Socialiste të Shqipërisë, Qarku Shkodër, z. Ilir Hamit Beqaj, për plotësimin e vakancës së njoftuar nga Kuvendi i Shqipërisë, pas nuk dorëzoi Brenda afateve ligjore formularin e vetëdeklarimit. Edhe për kandidatin e radhës në listën shumemërore të Koalicionit Partia Demokratike – Aleanca për Ndryshim, Qarku Shkodër, z. Bardh Ali Spahia, u shpall pazgjedhshmëria për plotësimin e vakancës së njoftuar nga Kuvendi i Shqipërisë, pasi z. Spahia ka zgjedhur të mbajë mandatin e kryetarit të Bashkisë Shkodër dhe të kandidojë në zgjedhjet për organet e qeverisjes vendore të datës 14 Maj 2023.
Në këtë seancë u shqyrtua rezultati i verifikimit të Prokurorit të Përgjithshëm për subjektin vetëdeklarues z. Gentjan Muça, kandidat për deputet i listës shumemërore të Koalicionit Partia Demokratike – Aleanca për Ndryshim, Qarku Tiranë dhe shqyrtimin e rezultatit të verifikimit të Prokurorit të Përgjithshëm për subjektin vetëdeklarues z. Elsa Voka, kandidat për deputet i listës shumemërore të Koalicionit Aleanca Bashkimi Popullor – Emigracioni – Ora e Shpresës dhe Konservatorët, Qarku Berat”. Komisioneri konstatoi se z. Gentjan Muça nuk përfshihet në kushtet e ndalimit, si edhe deklaroi të përfunduar procedurën administrative, pa vendim përfundimtar për zj. Elsa Voka.
U shty për në seancën e radhës vendimmarrja për projekvendimet:
- “Për dhënie autorizimi për ndryshimin e vendndodhjes së QV nr. 1796, QV nr. 1796/01, QV nr. 1796/02, Bashkia Tiranë, për zgjedhjet për organet e qeverisjes vendore të datës 14 maj 2023”.
- “Për caktimin e kohës së transmetimit në radiotelevizionin publik të fushatës zgjedhore të partive politike të regjistruara si subjekte zgjedhore, për zgjedhjet për organet e qeverisjes vendore të datës 14 maj 2023”.
