Komisioni Qendror i Zgjedhjeve mikpriti në një vizitë studimore një delegacion të Komisionit Qendror të Zgjedhjeve të Gjeorgjisë të kryesuar nga Kryetari Giorgi Kalandarishvili, në kuadër të Projektit të Këshillit të Europës “Mbështetja e Transparencës, Përfshirjes dhe Integritetit të Praktikave dhe Proceseve Zgjedhore në Gjeorgji”.

Gjatë vizitës tre ditore në mjediset e KQZ, delegacioni gjeorgjian u njoh me implementimin e sistemeve teknologjike në proceset zgjedhore në vend.

Përveç informacionit lidhur me përdorimin e teknologjisë në zgjedhje, delegacioni gjeorgjian mori një infomacion të plotë të sistemit zgjedhor shqiptar, strukturat e administrimit zgjedhor, edukimit të zgjedhësve, sfidat në procesin e përshtatjes së punonjësve të votimit ndaj inovacioneve teknologjike, përgatitjen e listës së zgjedhësve, afatet e dorëzimit të dokumentacioneve nga ana e subjekteve zgjedhore, proceset e ngarkimit të informacionit në pajisjet elektronike, etj.