Komisioneri Shtetëror i Zgjedhjeve, z. Ilirjan Celibashi mori pjesë në tryezën e diskutimit me temë “Sfida dhe Shanset për Reformë Zgjedhore”, organizuar nga Instituti Studimeve Politike dhe Akademisë së Studimeve Politike me mbështetjen e Ambasadës Hollandese.
Edhe në këtë tryezë, Komisioneri Celibashi theksoi se boshllëku ligjor i konstatuar nga Gjykata Kushtetuese, duhet plotësuar sa më shpejt nga Kuvendi i Shqipërisë, në mënyrë që në zgjedhjet e vitit 2025, të mundësohet votimi i shtetasve shqipëtarë me banim jashtë vendit.
Të pranishmit diskutuan mbi gjetjet e monitorimeve dhe perceptimin publik për reformën zgjedhore, rekomandimet e OSBE/ODIHR, prioritetet afatshkurtra dhe mundësitë për një reformë zgjedhore sa më transparente, gjithëpërfshirëse, me integritet dhe me ndikim pozitiv në rritjen e standardeve të zgjedhjeve në Shqipëri.
