Takimi është pjesë e një programi më të gjerë të KQZ-së për të edukuar, informuar dhe sensibilizuar të rinjtë rreth proceseve zgjedhore. U diskutua për rëndësinë e votës dhe pjesëmarrjen e tyre në proceset zgjedhore jo vetëm si votues por edhe si administratë zgjedhore.

Edukimi zgjedhor u jep të rinjve njohuritë e nevojshme për të kuptuar dhe për të marrë pjesë në mënyrë efektive në zgjedhje. Kjo përfshin njohjen me procedurat e votimit, procesin e identifikimit elektronik dhe numërimin elektronik, si dhe të drejtat dhe përgjegjësitë si votues.

Gjithashtu, u diskutua rreth veprave penale në zgjedhje, duke u siguruar që votuesit për herë të parë të jenë të informuar për pasojat e mundshme ligjore të veprimeve të paligjshme zgjedhore. Kjo si një masë parandaluese për të ruajtur integritetin dhe transparencën e procesit zgjedhor.

Gjatë bashkëbisedimit u evidentua rëndësia e angazhimit aktiv të të rinjve në procesin zgjedhor si votues dhe si pjesë e admnistratës së zgjedhore.