Sot, Komisioneri Shtetëror i Zgjedhjeve caktoi partitë politike që do të propozojnë anëtarin e tretë dhe të katërt të Grupeve të Numërimit të Votave, për zgjedhjet e pjesshme për Kryetar të Bashkisë Himarë. Për zgjedhjet e datës 4 Gusht 2024, “Partia Socialiste e Shqipërisë” ka të drejtën e propozimit të anëtarit të tretë të GNV dhe  “Partia e Lirisë” ka të drejtën e propozimit të anëtarit të katërt të GNV.

Gjithashtu, Komisioneri vendosi t’i delegojë Komisionit të Zonës së Administrimit Zgjedhor nr. 88, kompetencën për të akredituar vëzhguesit e subjekteve zgjedhore për Komisionin e Zonës së Administrimit Zgjedhor (KZAZ), Komisionet e Qendrave të Votimit (KQV) dhe Vendin e Numërimit të Votave (VNV).