Komisioneri Shtetëror i Zgjedhjeve shqyrtoi kërkesën e Koalicionit “Bashkë Fitojmë”, për regjistrimin si subjekt zgjedhor në zgjedhjet e pjesshme për Kryetar të Bashkisë Himarë, që do të zhvillohen më datë 4 gusht 2024.
Komisioneri vendosi regjistrimin e Koalicionit “Bashkë Fitojmë” përfaqësuar nga z. Sali Berisha dhe do të ketë në përbërje 10 subjekte zgjedhore:
- Partia e Lirisë (PL);
- Partia Republikane (PR);
- Partia Demokristiane (PDK);
- Partia Balli Kombëtar (PBK);
- Partia Bashkimi për të Drejtat e Njeriut (PBDNJ);
- Fryma Re Demokratike (FRD);
- Partia Demokratike (PD);
- Partia Agrare Ambjentaliste (PAA);
- Partia Balli Kombëtar Demokrat (PBKD);
- Partia Bashkimi Demokrat Shqiptar (PBD).
Në seancën e sotme publike Komisioneri plotësoi vakancat e krijuara në 3 këshillat bashkiak:
- Këshilli i Bashkisë Gramsh, me kandidatin nga lista shumemërore të subjektit zgjedhor Partia Socialiste e Shqipërisë zj. Alketa Bici;
- Këshilli i Bashkisë Lezhë, me kandidatin nga lista shumemërore të subjektit zgjedhor Partia e Gjelbër z. Zek Doda.
- Këshilli i Bashkisë Kavajë, me kandidatin nga lista shumemërore të subjektit zgjedhor Partia Socialiste e Shqipërisë z. Qerem Çelpica.
Gjithashtu, caktoi vendndodhjen e disa qendrave të votimit në ndërtesa private, për zgjedhjet e pjesshme për Kryetar Bashkie Himarë.
