Sot, në Komisionin Qendror të Zgjedhjeve u depozitua kërkesa ankimore me nr.8, datë 02.08.2024, me objekt “Shfuqizimi i vendimit nr. 159, datë 01.08.2024, të Komisionerit Shtetëror te Zgjedhjeve, “Për dhënie autorizimi për ndërrimin e vendndodhjes së QV nr. 4589/00, për zgjedhjet e pjesshme për kryetar të bashkisë Himarë, të datës 4 gusht 2024”, me ankues Kryetari në detyrë i Bashkisë Himarë, Arqilea Bollano.
U hodh shorti për caktimin e relatorit, rezultatet e të cilit përcaktuan relator z. Elvis Çefa. KAS shqyrtoi elementët e formës dhe të përmbajtjes dhe vendosi kalimin për shqyrtimi në seancë publike.
Komisioni Ankimimeve dhe Sanksioneve në përfundim të shqyrtimit, me shumicë votash pranoi pjesërisht kërkesën ankimore duke vendosur ndryshimin e vendimit te Komisionerit dhe bazuar në nenin 62 pika 11, “Ndryshimin e vendndodhjes së QV nr. 4589/00 nga shkolla 9-vjeçare “Nikolla Pano Meniko”, Spile, Rr. Xhorxh Tened, nr. 4 në ambientin privat në pronësi të shtetasit Odhise Milo me adresë Himarë, Lagjia 1 Maji, Rr. Milto Kallushi”.
