Në Komisionin Qendror të Zgjedhjeve janë depozituar dy kërkesa ankimore:

1. Kërkesë ankimore nr. 9, datë 03.08.2024, me ankues Partia Bashkimi për të Drejtat e Njeriut, përfaqësuar nga kryetari z. Vangjel Dule dhe me objekt “Kundërshtim i vendimit nr. 69, datë 05.07.2024 “Për shqyrtimin e vlefshmërisë së mandatit të Kryetarit të Bashkisë Himarë z. Dhionisios (Alfred) Beleri, propozuar nga koalicioni Bashkë Fitojmë, për zgjedhjet për organet e qeverisjes vendore të datës 14 Maj 2023″, të Komisionerit Shtetëror të Zgjedhjeve”.
2. Kërkesa ankimore nr. 10, datë 04.08.2024, me ankues z. Dhionisios Alfred Beleri dhe me objekt “Kundërshtim i vendimit nr. 69, datë 05.07.2024 “Për shqyrtimin e vlefshmërisë së mandatit të Kryetarit të Bashkisë Himarë z. Dhionisios (Alfred) Beleri, propozuar nga koalicioni Bashkë Fitojmë, për zgjedhjet për organet e qeverisjes vendore të datës 14 Maj 2023″, të Komisionerit Shtetëror të Zgjedhjeve”.

Sot, u hodh shorti për caktimin e relatorëve të kërkesave ankimore, rezultati i të cilit përcaktoi se relator i kërkesës ankimore nr. 9 është z. Koli Bele dhe relator i kërkesës ankimore nr. 10 është z. Ledio Braho.