Në 16 Shtator 2024, ka nisur konkrusi “RIN-KRIJON” për të rinjtë të cilët dëshirojnë të bëhen pjesë aktive e zgjedhjeve 2025.
Konkrusi koniston në krijimin e grafikave, videove dhe sloganeve për zgjedhjet për Kuvend që do të zhvillohen në vitin 2025 dhe organizohet nga Komisioni Qendror i Zgjedhjeve dhe Prezenca e OSBE-së në Shqipëri.
Materialet për në konkursin “RIN-KRIJON – Fuqizimi i të Rinjve në Procesin Zgjedhor 2025” duhet të jenë të reja, të veëanta, origjinale dhe që përcjellin mesazhe për rëndësinë e zgjedhjeve në mesin e të rinjve dhe motivojnë audiencën për të marrë pjesë aktive në procesin zgjedhor.
Të rinjtë të cilët kanë ide të reja, të veçanta dhe me tematikë zgjedhjet, duhet të dërgojnë materialet e tyre në postën elektronike [email protected], deri në datën 31 Tetor 2024.
Kriteret e konkursit dhe çmimet.
Një panel vlerësuesish, i cili do të përbëhet nga përfaqësues të KQZ-së, Prezencës së OSBE-së në Shqipëri dhe Grupesh Këshillimore Rinore do të analizojë propozimet dhe do të vendosë fituesit për çdo kategori.
Konkursi do të kulmojë me një event mbyllës më 19 Nëntor 2024, ku do të prezantohen punimet më të mira dhe çmimet për fituesit.
Kjo iniciativë synon të të fuqizojë të rinjtë shqiptarë dhe të amplifikojë zërat e tyre, në promovimin e vlerave demokratike, si edhe të rrisë ndërgjegjësimin dhe pjesëmarrjen në proceset zgjedhore.
Konkursi i 2025-ës për fuqizimin e të rinjve në procesin zgjedhor ka për qëllim jo vetëm të rrisë ndërgjegjësimin mbi rëndësinë e pjesëmarrjes në zgjedhje, por edhe të krijojë një platformë për të rinjtë që të ndajnë zërat dhe idetë e tyre për një demokraci më të fortë dhe më të përfshirë.
