Sot u zhvillua tryeza e konsultimit “Rekomandime për kuadrin nënligjor të financimit të partive politike” organizuar nga Komisioni Qendror i Zgjedhjeve në bashkëpunim me Institutin Demokratik Amerikan NDI dhe mbështetjen e Ambasadës Britanike.

Anëtarë të organeve drejtuese të KQZ-së dhe përfaqësues të shoqërisë civile pasi u njohën me rekomandimet e prezantuara nga NDI diskutuan mbi mundësitë e përmirësimit të kuadrit nënligjor në fushën e financimit të partive politike.

Pjesëmarrësit sollën në vëmendje përvojat e krijuara nga zgjedhjet e vitit 2021 dhe 2023 në lidhje me monitorimin dhe kontrollin e financave të partive politike dhe ndanë sugjerimet e tyre për ndërhyrjet e mundshme që KQZ mund të bëjë në aktet e saj rregullatore me qëllim forcimin e integritetit të procesit zgjedhor dhe rritjen e transparencës financiare.