Komisioneri Shtetëror i Zgjedhjeve zhvillon në seancën e sotme publike miratoi:
- Programin e edukimit, informimit dhe ndërgjegjësimit të zgjedhësve;
- Programin e edukimit, informimit dhe ndërgjegjësimit të zgjedhësve me aftësi të kufizuar;
- Programin e edukimit, informimit dhe ndërgjegjësimit të pakicave Kombëtare.
Programet për edukimin e zgjedhësve për zgjedhjet për Kuvendin e Shqipërisë 2025, përcaktojnë qëllimin dhe objektivat kryesore që duhet të realizohen për edukimin, informimin dhe ndërgjegjësimin e zgjedhësve përgjatë periudhës zgjedhore. Programet për edukimin e zgjedhësve për zgjedhjet për deputetët e Kuvendit të Shqipërisë, synojnë ndërgjegjësimin për pjesëmarrje në votime dhe informimin e zgjedhësve mbi të gjithë procesin zgjedhor.
Gjithashtu, u miratua raporti mbi gjetjet pas vlerësimit të regjistrimeve filmike gjatë implementimit të votimit elektronik në bashkitë Kamëz, Vorë dhe Elbasan, për zgjedhjet për organet e qeverisjes vendore të datës 14 maj 2023”.
Komisioneri vendosi t’i kërkoj Komisionit të Ankimimeve dhe Sanksioneve vendosjen e sanksioneve administrative ndaj 17 operatorëve të Pajisjeve Elektronike të Votimit dhe Numërimit (PEVN) përgjegjës për shkeljet e konstatuara.
Me kërkesë të subjektit Erin Gjoni, u shty shqyrtimi i projektvendimit “Për shqyrtimin e rezultatit të verifikimit të Prokurorit të Përgjithshëm për subjektin vetëdeklarues z. Erin Pjeter Gjoni, anëtar në Këshillin e Bashkisë Lezhë, i propozuar nga subjekti zgjedhor Partia Sociademokrate”.
