Sot, Komisioni Rregullator miratoi disa ndryshime dhe shtesa në Vendimin nr. 9, datë 24.12.2020, të Komisionit Rregullator “Për rregullat e raportimit të veprimtarive me karakter publik të çdo institucioni publik, e me kapital shtetëror, agjencive, enteve shtetërore, kategoritë e veprimtarive të ndaluara, si dhe monitorimin e veprimtarisë, sjelljes dhe përdorimit të burimeve njerëzore, financiare dhe logjistike të administratës shtetërore para zgjedhjeve”.

Ndryshimet dhe shtesat e bërë në vendimin nr. 9, kanë për qëllim përmirësimin dhe adresimin e problematikave të hasura nga zbatimi i tij, në lidhje me raportimet e veprimtarive publike të institucioneve shtetërore, që nga momenti kur ndërfajqa është mplemntuar për herë të parë, analizimit të vendimmarrjes së KAS dhe rekomandimeve/sugjerimeve të ardhura nga organizatat që operojnë në fushën e zgjedhjeve dhe shoqëria civile.

Gjithashtu, u qartësuan disa regulla të vendosura më parë dhe procedura e raportimit nga institucionet publike të veprimtarive të tyre, gjatë periudhes 4 muaj para datës së zgjedhjeve.

KQZ po punon për të përmirësuar ndërfaqen e raportimit (NRI) për të eleminuar informacionin e paplotë, kufizimet teknike dhe ndryshimin e të dhënave të raportimeve. Ndaj, vendimi i  miratuar në mbledhjen e sotme, e bën pjesë integrale të vendimit nr. 9, modulin e ri të raportimeve (NRI).