Procesi i regjistrimit të votuesve nga jashtë për zgjedhjet për Kuvend të datës 11 Maj 2025 po vijon me intensitet.
Qytetarët që jetojnë jashtë territorit të Republikës së Shqipërisë për ta patur mundësinë të votojnë nga vendi ku kanë vendbanimin duhet të regjistrohen përmes platformës Elektronike të Regjistrimit (PER).
Regjistrimi mund të bëhet përmes PER që gjendet në faqen zyrtare të internetit të KQZ-së www.kqz.gov.al dhe në aplikacionin Mobile KQZ.
Për t’ju ardhur në ndihmë të gjithë qyetarëve që duan të regjistrohen apo atyre që kanë patur vështirësi në procesin e hapjes së llogarisë dhe më pas bërjes së kërkesës për tu regjistruar në listën e zgjedhësve nga jashtë, KQZ ka përgatitur manualet e përdorimit;
Manual për hapjen e llogarisë dhe regjistrimin nga kompjuteri.
Manual për hapjen e llogarisë dhe regjistrimin nga Aplikacioni Mobile KQZ APP (IOs dhe Andoid).
Gjithashtu, në median sociale të KQZ-së qytetarët mund të marrin asistencë edhe përmes video-tutorialeve të publikuara me hapat konkret që duhet të ndjekë çdo qytetarë që të hapë llogarinë dhe të regjistrohet në PER.
