Sot, Komisioni i Ankimimeve dhe Sanksioneve shqyrtoi elementët e formës dhe të përmbajtjes së kërkesës nr. 1, të Komisionit Shtetëror të Zgjedhjeve me objekt “ Kërkesë për vendosje sanksioni administrativ, në zbatim të vendimit nr. 209, datë 11.12.2024 “Për miratimin e raportit mbi gjetjet pas vlerësimit të regjistrimeve filmike gjatë implementimit të votimit elektronik në bashkitë Kamëz, Vorë dhe Elbasan, për zgjedhjet për organet e qeverisjes vendore të datës 14 maj 2023”,
KAS vendosi kalimin për shqyrtim të këresës në datën 24.01.2025, në orën 11.00.
Gjithashtu, KAS në përfundim të shqyrtimit paraprak të kërkesës ankimore nr. 14, të depozituar nga TV Kopliku, me objekt “Kundërshtim i vendimit nr. 186, datë 09.10.2024 “Për miratimin e raportit të gjetjeve nga auditimi i fondeve të përfituara dhe shpenzuara nga partitë politike pjesëmarrëse në zgjedhjet për organet e qeverisjes vendore, të datës 14 Maj 2023”, të Komisionerit Shtetëror të Zgjedhjeve”, vendosi kalimin për shqyrtim.
Pas shqyrtimit të kërkesës, KAS pranoi pjesërisht kërkesën dhe shfuqizimin e pikës 103, të dispozitivit të vendimit nr. 186, datë 8.10.2024, të Komisionerit Shtetëror të Zgjedhjeve, dhe vendosi sanksionin administrativ me gjobë në masën 2 500 lekë, në zbatim të nenit 171, pika 2, të Kodit Zgjedhor.
Ditën e sotme, KAS shqyrtoi elementët e formës dhe të përmbajtjes edhe të kërkesës ankimore nr. nr. 18 depozituar nga RTV Shkodra me objekt “Kundërshtim i vendimit nr. 186, datë 09.10.2024 “Për miratimin e raportit të gjetjeve nga auditimi i fondeve të përfituara dhe shpenzuara nga partitë politike pjesëmarrëse në zgjedhjet për organet e qeverisjes vendore, të datës 14 Maj 2023”, të Komisionerit Shtetëror të Zgjedhjeve”.
KAS vendosi moskalimin për shqyrtim të kërkesës ankimore.
