Komisioneri Shtetëror i Zgjedhjeve, z. Ilirjan Celibashi mikpriti sot Ambasadorin e Suedisë në Tiranë, SHTZ Niklas Strōm, ku diskutuan mbi ecurinë e regjistrimit të votuesve nga jashtë përgatitjet e KQZ për procesin e ardhshëm zgjedhor.

Komisioneri shprehu falenderimin e institucionit për bashkëpunimin dhe përkrahjen ndaj KQZ nga Qeveria Suedeze dhe vlerësoi interesin e Ambasadorit Strōm për të ndihmuar dhe përkrahur përpjekjet për votimin nga jashtë të shtetasve shqiptarë.

Celibashi ndau me Ambasadorin dhe ekipin e tij pikëpamjet e KQZ-së për çështje si shmangia e përdorimit të burimeve shtetërore në fushatë, raportimi i mundshëm i shkeljeve zgjedhore dhe përmirësimi i cilësisë së punës së komisionerëve zgjedhorë të terrenit, falë edhe projektit specifik ku kontribuon edhe Qeveria Suedeze.