Komisioni Qendror i Zgjedhjeve ka filluar trajnimim e 40 trajnerëve të administrates zgjedhore, të cilët do të angazhohen në zgjedhjet për Kuvend të datës 11 Maj 2025.
Trajnimi do të zhvillohet përgjatë 8 ditëve dhe do të marrin pjesë trajnërët e të gjithë qarqeve të vendit. Trajnimi i tyre synon certifikimin e trajnerëve, të cilët më pas do të trajnojnë administratën zgjedhore të niveleve të dyta, të treta, grupet e numërimit të votave dhe monitoruesit e fushatës zgjedhore.
Pragrami i trajnimit, bazuar në metodologjinë BRIDGE, konsiston në rritjen e kapaciteteve të trajnuesve dhe thellimin e njohurive mbi kuadrin ligjor dhe ndryshimet e bëra, kompetencat dhe detyrimet e administratës zgjedhore.
Përmes sesioneve teorike dhe praktike (ushtrimeve) u trajtuan të gjitha çeshtjet që lidhen me detyrat e Komisioneve Zonale të Administrimit Zgjedhor, Komisioneve të Qendrave të Votimit dhe Grupeve të Numërimit të Votave. Gjithashtu, u trajnuan mbi funksionimin e Pajisjes Elektronike të Identifikimit (PEI) dhe Pjisjes Elektronike të Votimit dhe Numërimit (PEVN) dhe detyrave të operatorëve që do të angazhohen në ditën e zgjedhjeve si operatorë PEI dhe PEVN.
Trajnimi u mbështet nga projekti i Prezencës së OSBE-së në Shqipëri: “Mbështetje për reformën dhe procesimin e zgjedhjeve në Shqipëri”, i cili financohet nga Suedia, Zvicra, Misioni i SHBA-së në OSBE dhe Polonia.
