Komisioni Rregullator miratoi udhëzuesin e punës për Komisionet e Zonave të Administrimit Zgjedhor, për zgjedhjet për Kuvend të datës 11 Maj 2025.
Ky udhëzues pune ju vjen në ndihmë administratës zgjedhore, partive politike dhe aktorëve të tjerë për veprimtarinë e Komisioneve të Zonave të Administrimt Zgjedhor. Udhëzuesi synon të sigurojë që të gjitha procedurat dhe detyrat të kryhen në përputhje me ligjin dhe në mënyrë efikase.
Vendimi përfshin udhëzime të detajuara mbi përbërjen e KZAZ, kushtet për emërimin, lirimin apo shkarkimin e anëtarëve të KZAZ, mbledhjet dhe vendimmarrjen e saj, si dhe menaxhimin e vakancave të krijuara.
Gjithashtu, përfshin detyra funksionale të KZAZ si krijimi i Komisioneve të Qendrave të Votimit (KQV), procedurat për caktimin e anëtarëve të KQV dhe plotësimin e vakancave, akreditimin e vëzhguesve, organizimin e VNV, dhe shpërndarjen e materialeve të votimit.
Për të arritur qëllimin e tij, udhëzuesi i punës është strukturuar në mënyrë të tillë që të jetë i qartë dhe i lehtë për t’u kuptuar nga anëtarët e KZAZ-ve. Ai përmban informacione të detajuara dhe të organizuara në mënyrë logjike, duke përfshirë shembuj praktikë dhe udhëzime hap pas hapi. Në fund të udhëzuesit janë cituar në mënyrë të përmbledhur detyrat e KZAZ dhe një listim i akteve të KQZ që lidhen me veprimtarinë e KZAZ.
Ky material ndihmës përcakton veprimtarinë e KZAZ deri në marrjen në dorëzim të materialeve të votimit nga KQV, ndërsa detyrat e KZAZ lidhur me procesin e numërimit të votave dhe menaxhimin e rezultateve të zgjedhjeve do të trajtohen në udhëzuesin e punës për GNV.
Në udhëzuesin e punës ka informacion mbi përbërjen e KZAZ, kushtet për emërimin, lirimin apo shkarkimin e anëtarit të KZAZ, mbledhjet e saj, vendimarrja në kushte të zakonshme dhe në kushtet e vakancave të krijuara në KZAZ.
