Sot, Komisioni Rregullator shqyrtoi projektvendimin “Për miratimin e karakteristikave teknike të fletës së votimit për zgjedhjet për Kuvend të datës 11 maj 2025”.

Komisioni rregullator vendosi miratimin e karakteristikave teknike të fletës së votimit që do të përdoret për zgjedhësit brenda territorit të Republikës së Shqipërisë.

Fletët e votimit do të jenë prej letre, me ngjyrë, trashësi ose elemente konfigurimi të tilla që të mos lejojnë leximin e votës në pjesën e pasme të saj, si dhe do të përmbajnë elemente sigurie, sipas përcaktimeve me akt normativ të KQZ-së. Fleta e votimit përmban element teknik në formën e kodeve që identifikojnë zonën zgjedhore, qendrën e votimit, si dhe elemente të tjera identifikuese që nuk lexohen me sy të lirë.

Përveç elementeve të sigurisë së letrës, fleta e votimit do të përmbajë dhe disa elementë teknikë në formën e kodeve që identifikojnë zonën zgjedhore, qendrën e votimit si dhe elementë të tjerë identifikues që nuk lexohen me sy të lirë (QR code).

Rregullatori vendosi që karakteristikat teknike të fletës së votimit për zgjedhësit nga jashtë do të miratohen në një akt tjetër në ditët në vijim.