Sot, Komisioni i Ankimimeve dhe Sanksioneve shqyrtoi në seancë publike kërkesën ankimore nr. 1, të depozituar nga Kuvendi i Shqipërisë me objekt “Kundërshtimi i pikës 2 të vendimit nr. 83, datë 11.02.2025, të Komisionerit Shtetëror të Zgjedhjeve”.

Në përfundim të shqyrtimit, KAS me shumicë votash, pranoi pjesërisht ankimimin e Kuvendit të Shqipërisë dhe vendosi shfuqizimin e pikës 2 të vendimit nr. 83/2025 të Komisionerit Shtetëror të Zgjedhjeve, në të cilën i rekomandohet Kuvendit të Shqipërisë të mos përfshijë për shqyrtim në seancë plenare projektligjin “Për paketën e maleve” dhe Projektligjin “Për disa shtesa dhe ndryshime në ligjin nr. 92, datë 24.07.2014, “Për tatimin mbi vlerën e shtuar në Republikën e Shqipërisë”.