Komisioni i Ankimimeve dhe Sanksioneve shqyrtoi kërkesën ankimore nr. 2, të depozituar nga Kuvendi i Shqipërisë me objekt “Kundërshtimi i pikës nr. 1 të vendimit nr. 117, datë 19.02.2025, të Komisionerit Shtetëror të Zgjedhjeve”.

Në përfundim të shqyrtimit, KAS pranoi kërkesën dhe vendosi shfuqizimin vendimit nr. 117 të Komisionerit Shtetëror të Zgjedhjeve.

Gjithashtu, u shqyrtua kërkesa ankimore nr. 5, e depozituar nga z. Lefter Nika në emër të partisë “Minoriteti Etnik Grek për të Ardhmen”, me objekt “Shfuqizimin e vendimit nr. 228, datë 03.03.2025 të KSHZ “Për regjistrimin si subjekt zgjedhor të partisë “Minoriteti Etnik Grek për të Ardhmen, me kryetar z. Kristaq Kiço”. Z. Nika a kërkon të njihet si kryetar i Partisë “Minoriteti Etnik Grek për të Ardhmen dhe të shfuqizohet vendimi nr. 228, i cili njeh si kryetar z. Kristaq Kiço.

KAS vendosi rrëzimin e kërkesës së z. Nika dhe lënien në fuqi të vendimit nr. 228 të Komisionerit Shtetëror të Zgjedhjeve.