Komisioneri Shtetëror i Zgjedhjeve, z. Ilirjan Celibashi priti në takim delegacionin e Komisionit Shtetëror të Zgjedhjeve të Maqedonisë së Veriut, që kryesohej nga Kryetari i KSHZ-së, z. Aleksander Dashtevski dhe përbëhej nga anëtarët z. Krenar Lloga, z. Oliver Ristovski dhe z. Boban Stojanoski.
Qëllimi i takimit ishte shkëmbimi i përvojave mes dy institucioneve homologe dhe konkretizimi i këtij bashkëpunimi në të ardhmen.
Duke marrë në konsideratë që Republika e Maqedonisë së Veriut gjendet para sfidës së identifikimit elektronik të votuesve, interesi i delegacionit të Komisionit Shtetëror të Zgjedhjeve u fokusua në implementimin e këtij projekti nga KQZ Shqipëri.
Komisioneri Celibashi i njohu me rregullimet ligjore lidhur me teknologjinë në zgjedhje, procedurat dhe hapat që ka ndjekur KQZ për të realizuar implementimin e Sistemit Elektronik të Identifikimit të Votuesve, duke u ndalur edhe në demonstrimin e pajisjes së identifikimit elektronik.
Komisioni Shtetëror i Zgjedhjeve të Maqedonisë së Veriut shprehu interes për vëzhgimin e zgjedhjeve për Kuvend të datës 25 prill 2021.