Në kuadër të edukimit zgjedhor për zgjedhjet për Kuvend të datës 25 prill 2021, KQZ zhvilloi sesion trajnimi me votues për të parë.

Studentë të Fakultetit të Mjekësisë u njohën me institucionin e Komisionit Qendror të Zgjedhjeve, organet drejtuese dhe kompetencat e tyre.

Interesi i të rinjve u fokusua në tema si identifikimi elektronik i zgjedhësve që implementohet për herë të parë në Shqipëri, projektin pilot të votimit dhe numërimit elektronik, procedurat e votimit, plotësimi i saktë i fletës së votimit, e të tjerë.

Në zgjedhjet për Kuvendin e Shqipërisë të datës 25 prill do të votojnë 107,024 zgjedhës për herë të parë.