Komisioneri Shtetëror i Zgjedhjeve në seancën e sotme publike rishqyrtoi administrativisht denoncimet e organizatës Qendresa Qytetare ndaj Bashkisë Tiranë, Partisë Socialiste të Shqipërisë, Administratorit të Biblotekave të Tiranës dhe Zyrës Vendore Arsimore Kukës.

Në përfundim të shqyrtimit, Komisioneri u shpreh se shpallja e vendimit për denoncimet ndaj Zyrës Vendore Arsimore Kukës dhe Bashkisë Tiranë, Partisë Socialiste të Shqipërisë do të shpallen ditën e Martë, datë 21.09.2021, në orën 10:00. Ndërkohë vendosi shtyrjen e seancës për rishqyrtimin e denoncimit tjetër ndaj Bashkisë Tiranë, duke vendosur të thërrasë në dëgjesë Administratorin e Bibiliotekave të Tiranës.

Gjithashtu, Komisioneri vendosi plotësimin e vakancave në këshillat bashkiak:

1. Këshilli i bashkisë Gjirokastër, me kandidatin nga lista shumemërore e Partisë Socialiste të Shqipërisë, z.  Shkëlqim Dalip Guçe;
2. Këshilli i bashkisë Shkodër, me kandidatin nga lista shumemërore e Partisë Socialdemokrate të Shqipërisë, zj.  Diandra Ferit Kraja;
3. Këshilli i bashkisë Shijak, me kandidatin nga lista shumemërore e Partisë Socialiste të Shqipërisë, zj.  Adelina Petrit Elezaj;
4. Këshilli i bashkisë Dropull, me kandidatin nga lista shumemërore e Partisë Socialiste të Shqipërisë, zj.  Kostandina Grigor Doko;
5. Këshilli i bashkisë Lushnje, me kandidatin nga lista shumemërore e Partisë Socialiste të Shqipërisë, z.  Arsid Argjir Prifti;
6. Këshilli i bashkisë Tropojë, me kandidatin nga lista shumemërore e Partisë Socialiste të Shqipërisë, zj.  Sabrie Rexhe Çelaj;
7. Këshilli i bashkisë Tiranë, me kandidatin nga lista shumemërore e Partisë Socialiste të Shqipërisë, zj.  Laureta Kastriot Sinanaj.