Komisioneri Shtetëror i Zgjedhjeve, z. Ilirjan Celibashi takoi drejtuesin e Institutit Ndërkombëtar për Demokraci dhe Asistencë Zgjedhore (IDEA International), z. Sam Van Der Staak dhe zyrtaren e programit rajonal, zj. Blerta Hoxha. Qëllimi i takimit ishte diskutimi mbi projektet e KQZ-së për monitorimin dhe raportimin online të financimit të partive politike, planet e KQZ-së për një platform transparente digjitale ndërveprimi të partive politike, monitoruesve dhe ekspertëve. Gjithashtu, u diskutua edhe mbi mundësinë e eskpertizën nga IDEA International për sigurinë kibernetike të sistemeve dhe moduleve të teknologjisë së informacionit në KQZ.
Në takim u shkëmbyen dhe pikëpamje mbi të ardhmen e votimit elektronik dhe të votës së shqiptarëve me banim jashtë vendit, si edhe u vendosen piketa bashkëpunimi për ekspertizën e mundshme teknikne për të lehtësuar realizimin e këtyre proceseve me rëndësi të veçantë për KQZ-në.
