Komisioni Rregullator në seancën e sotme miratoi specifikimet teknike të fletës së votimit për zgjedhjet e pjesshme për kryetar në bashkitë Shkodër, Dibër, Durrës, Vorë, Rrogozhinë dhe Lushnjë, që do të zhvillohen më datë 6 mars 2022.

Në bazë të përcaktimeve të nenit 98 të Kodit Zgjedhor, fletët e votimit do të të jenë prej letre, me ngjyrë, trashësi ose elementë konfigurimi të tilla që të mos lejojnë leximin e votës në pjesën e pasme të saj. Fletët e votimit përmbajnë element teknik sigurie në formën e kodeve që nuk lexohen me sy të lirë dhe prodhohen në blloqe pa kundërfletë.