Komisioneri Shtetëror i Zgjedhjeve zhvilloi takimin e radhës me përfaqësues të shoqërisë civile, të organizatave ndërkombëtare që operojnë në fushën e zgjedhjeve dhe të trupave diplomatikë në Tiranë.

Takimi kishte në fokus përgatitjet për procesin zgjedhor të zgjedhjeve të pjesshme që do të mbahen në bashkitë Shkodër, Dibër, Durrës, Vorë, Rrogozhinë dhe Lushnjë.

Raportimi i veprimtarive publike nga institucionet qendrore dhe vendore në 6 bashkitë që zhvillohen zgjedhjet e datës 6 mars 2022, denoncimet në ndërfaqen “kallëzo”, hetimi administrative, dhe teknologjia në zgjedhje patën vëmendje të veçantë.

Palët dakordësuan se bashkëpunimi i të gjithë aktorëve të përfshirë në proces është factor i rëndësishm për mirëadministrimin e procesit zgjedhor. Gjithashtu, u dakordësua që pas zgjedhjeve të pjesshme të zhvillohet një tryezë e përbashkët e aktorëve të përfshirë në procesin zgjedhor, për t’i paraprirë reformës zgjedhore.

​