Komisioneri Shtetëror i Zgjedhjeve, z. Ilirjan Celibashi takoi Ambasadorin e Mbretërisë së Bashkuar, z. Alastair King-Smith (Alastair King-Smith). Qëllimi i takimit ishte njohja me përgatitjet për zgjedhjet e pjesshme për kryetar bashkie që do të zhvillohen në datën 6 Mars 2022, ecuria e fushatës së edukimit zgjedhor deri në përmbylljen e saj dhe ndihmesën e Ambasadës Britanike në Tiranë në këtë proces zgjedhor.

Në fokus të bashkëbisedimit ishin edhe pritshmëritë ndaj Komisionit Ad-Hoc të Reformës Zgjedhore dhe rolin aktiv të kërkuar nga KQZ në përmirësimin e qëndrueshëm të legjislacionit zgjedhor.

Komisioneri Celibashi e falenderoi Ambasadorin King-Smith për mbështetjen bujare dhe të vazhdueshme të Ambasadës Britanike për KQZ-në.