Komisioneri Shtetëror i Zgjedhjeve Ilirjan Celibashi takoi sot në mjediset e KQZ, Ambasadorin e Zvicrës në Shqipëri, z. Adrian Maitre, i cili shoqërohej nga zonja Chantal Nicod, Shefe e Zyrës së Qeverisjes dhe zj. Erisa Lame, zyrtare e Programit të Çështjeve Politike dhe Demokratizimit. 

Komisioneri Celibashi e njohu Ambasadorin Maitre me administrimin e suksesshëm të zgjedhjeve të pjesshme vendore të datës 6 Mars 2022 në 6 bashki të Shqipërisë, procesin e dhënieve të mandatit të kryetarit të këtyre bashkive, ecurinë e proceseve të identifikimit biometrik PEI dhe votimit dhe numërimit elektronik PEVN gjatë këtyre zgjedhjeve. 

Ambasadori Maitre vlerësoi organizimin dhe mirëadministrimin e këtij procesi zgjedhor, si edhe u interesua në lidhje me shpalljen e rezultateve përfundimtare nga ana e KQZ-së. 

Gjithashtu Komisioneri Celibashi dhe Ambasadori Maitre diskutuan mbi çështje të ndryshme të bashkëpunimit mes KQZ dhe Qeverisë Zvicerane.