Zgjedhjet e datës 14 Maj – Nis trajnimi i monitoruesve të fushatës zgjedhore

23/01/2023 | Lajme

Sot ka nisur trajnimi i monitoruesve të fushatës për zgjedhjet për organet e qeverisjes vendore, të datës 14 Maj 2023.

Monitoruesit do të monitorojnë respektimin e detyrimeve ligjore nga ana e subjekteve zgjedhore dhe veprimtarinë e institucioneve publike me qëllim parandalimin e keqpërdorimit të burimeve publike.

Në kuadër të përgatitjes së zgjedhjeve për organet e qeverisjes vendore, KQZ ka hartuar dhe përgatitur programin e trajnuesve të fushatës zgjedhore për 61 bashkitë e vendit.

Faza e parë e programit të trajnimit ka në fokus fushatën zgjedhore dhe veprimtaritë publike të institucioneve shtetërore.

Faza e dytë do të ketë në fokus formatet e standardizuara të raportimit, mënyrën e raportimit dhe raportimin në mënyrë elektronike në platformën e ngritur nga KQZ për financimin e partive politike. Në këtë platforme digjitale do të raportohet nga monitoruesit në kohë reale gjatë fushatës zgjedhore.

Programi i trajnimit është i hapur për tu vëzhguar dhe monitoruar nga shoqëria civile dhe media.

Pragrami i trajnimit

LajmeZgjedhjet e datës 14 Maj – Nis trajnimi i monitoruesve të fushatës zgjedhore