Komisioneri Shtetëror i Zgjedhjeve, z. Ilirjan Celibashi u takua me ambasadorin e Mbretërisë së bashkuar në Tiranë, Alastair King-Smith për të biseduar mbi përgatitjet e procesit zgjedhor dhe rëndësinë e këtyre zgjedhjeve për vendin.

Bashkëbisedimi u fokuaua mbi përgjegjshmërinë dhe transparencën e KQZ, procesin e verifikimit të kandidatëve, shmangien e përfshirjes së burimeve shtetërore në zgjedhje, rolin e medias në procesin zgjedhor, mbrojtjen e administratës nga influencimi i votës, si edhe mbrojtjen e të dhënave të zgjedhësve.

Komisioneri Celibashi nënvizoi vijimin e propozimeve të KQZ ndaj Komisionit të Posaçëm Parlamentar të Reformës Zgjedhore. Gjithashtu e falenderoi AmbasadorinKing-Smith dhe Qeverinë Britanike për ndihmën e vazhdueshme ndaj KQZ dhe dedikimin e tij për rritjen e mbështetjes ndërkombëtare ndaj institucionit qendror të zgjedhjeve.