Komisioneri Shtetëror i Zgjedhjeve, z. Ilirjan Celibashi u takua sot me Ambasadorin e Prezencës së OSBE-së në Shqipëri, z. Guido De Sanctis. Takimi kishte në fokus përgatitjet e zgjedhjeve për organet e qeverisjes vendore të datës 14 Maj 2023 dhe bashkëpunimit me të gjithë aktorët e përfshirë në procesin zgjedhor.
Komisioneri Celibashi bashkëbisedoi me Ambasadorin e OSBE-së në Tiranë edhe mbi nevojën që Komisioni për Reformën Zgjedhore në Kuvendin e Shqipërisë të veprojë brenda vitit 2023 për garantimin e kuadrit ligjor dhe që shqiptarët me banim jashtë vendit të votojnë në vendbanimin e tyre për zgjedhjet parlamentare të vitit 2025.
Pas koordinimit të aktiviteteve të përbashkëta, Celibashi e falenderoi Ambasadorin De Sanctis për mbështetjen e vazhdueshme ndaj KQZ dhe administratës së saj.
