Komisioneri Shtetëror i Zgjedhjeve, z. Ilirjan Celibashi u takua sot me zyrtarë të Këshillit të Evropës dhe Delegacionit të Bashkimit Evropian në Tiranë, zj. Evgeni Evgeniev, zj. Zahra Ahmadova, zj. Frederique Hanotier, z. Olsi Dekovi dhe zj. Ersida Sefa.

Komisioneri Celibashi vlerësoi kontributin e dhënë për Komisionin Qendror të Zgjedhjeve, financimin dhe realizimin e platformës së raportimit financiar të partive politike, si edhe planveprimin e Fazës III të Programit Horizontal të Bashkimit Europian dhe Këshillit të Europës.

Në fokus të bashkëbisedimit ishte realizimi i ndërhyrjeve të qëndrueshme dhe strategjike ndaj KQZ, duke mos u ndalur vetëm në vitet zgjedhore, por dhe ato paszgjedhore.

U dakordësua se krijimi i platformave online është shembulli më i mirë i inovacionit që nuk mund të gjendet në asnjë vend tjetër të Ballkanit Perëndimor duke e bërë KQZ-në një pikë reference në rajon edhe për vendet e tjera.