Sot, në seancën publike të Komisionerit Shtetëror të Zgjedhjeve vijoi shqyrtimin administrativ ndaj personave përgjegjës, për raportimin e veprimtarive publike për zgjedhjet për organet e qeverisjes vendore, të datës 14 maj 2023.
Shqyrtimi administrativ vijoi për 20 institucione të cilat janë konstatuar në shkelje të afatit për raportim, për 3 institucione për shpërdorim të burimeve publike, për 8 institucione për fillimin e procedurave për punësime.
Gjatë seancës paraqitën pretendimet e tyre, përfaqësuesit e institucioneve si më poshtë vijon:
- Ministria e Shëndetësisë dhe Mbrojtjes Sociale
- Enti Kombëtar i Banesave
- Autoriteti i Konkurencës
- Prefektura e Qarkut Durrës
- Bashkia Belsh
- Bashkia Konispol
- Bashkia Kavajë
- Bashkia Bulqizë
- Ujësjellës Kanalizime, Elbasan
- Operatori i Shpërndarjes së Energjisë Elektrike, Elbasan
- Zyra Vendore e Arsimit Parauniveristar, Elbasan
- Drejtoria Rajonale e Sigurimeve Shoqërore Elbasan
- Drejtoria Rajonale e Operatorit të Shërbimeve të Kujdesit Shëndetësor
- Drejtoria Rajonale e Agjencisë Kombëtare e Punësimit dhe Aftësive, Elbasan
Në përfundim të vlerësimit do të konkludohet me vendimmarrje nga ana e Komisionerit Shtetëror të Zgjedhjeve.
Gjithashtu, u bë vlerësimi i raportimeve të veprimtarive me karakter public për periudhën 3 mars – 9 mars 2023. Janë raportuar në total 272 veprimtari, nga 59 institucione. Nga këto, 40 veprimtari të kryera nga 19 institucione janë konstatuar në shkelje të afatit ligjor. në seancën e sotme publike dhanë pretendimet e tyre 13 institucione.
Në përfundim të shqyrtimit Komisioneri do të dalë me vendimmarrje.
