Hidhet shorti për caktimin e relatorit të kërkesës ankimore nr. 36

20/03/2023 | Lajme

Në Komisionin Qendror të Zgjedhjeve u depozitua kërkesa ankimore nr. 36, me objekt “Kundërshtimi i vendimit të Komisionerit Shtetëror të Zgjedhjeve, nr. 179, datë 18.03.2023 dhe ndryshimin e këtij vendimi, duke vendosur: Pezullimin e regjistrimit të subjektit “Partia Demokratike” me nënkryetar z. Enkelejd Alibeaj në cilësinë e kryetarit të komanduar, për zgjedhjet për organet e qeverisjes vendore të datës 14 maj 2023, deri kur Kolegji Zgjedhor të jetë shprehur me vendim përfundimtar për ankimimin e subjektit “Partia Demokratike e Shqipërisë” e përfaqësuar nga Kryetari z. Sali Berisha””.

Sot, u hodh shorti për përcaktimin e relatorit të kërkesës ankimore nr. 36 dhe rezultatet e shortit përcaktuan relator, z. Ledio Braho.

Shyqrtimi paraprak i kërkesës ankimore do të bëhet ditën e Martë, datë 21.03.2023.

LajmeHidhet shorti për caktimin e relatorit të kërkesës ankimore nr. 36