Sot, në bashkinë Kamëz, Vorë dhe Elbasan ka filluar demostrimi i pajisjeve elektronike të votimit dhe numërimit (PEVN) që do të përdoren në zgjedhjet për organet e qeverisjes vendore.

Zgjedhësit e këtyre tre bashkive në datën 14 Maj 2023 do të votojnë përmes pajisjeve elektronike të votimit dhe demostrimi ka si synim njohjen e zgjedhësve me pajiste dhe me procedurën e votimit.

I pranishëm në ambjentet ku po zhvillohet demostrimi në qytetin e Elbasanit, Komisioneri Shtetëror i Zgjedhjeve, z. Ilirjan Celibashi theksoi se “Nga pikëpamja e sigurisë dhe garancisë së fshehtësisë së votës pajisjet PEVN dhe PEI kanë siguri 100% dhe garantohet fshehtësia e votës. Pajisja dhe sistemi ofrojnë të gjithë garancitë e fshehtësisë së votës, as KQZ dhe as kompania që ka prodhuar pajisjet, nuk ka asnjë lloj mundësie për të verifikuar/identifikuar votën e qytetarit. Pajisja është shumë e thjeshtë në përdorim për të gjithë kategoritë e votuesve. Është një system i cili nga pikëpamja teknike e lehtëson procesin e votimit dhe qytetarët do të verifikojnë që procesi i votimit elektronik është i thjeshtë dhe i sigurtë”.

Komisioneri ftoi votuesit e këtyre tre bashkive të marrin pjesë dhe të votojnë në datën 14 maj 2023, pa asnjë dyshim se vota e tyre mund të zbulohet.

Procesi i demostrimit të pajisjeve elektronike të votimit dhe numërimit elektronik do të vijojë për disa ditë me radhë në të tre bashkitë, konkretisht:

Për bashkinë Elbasan: 

1. Teatri “Skampa”, Bulevardi Qemal Stafa, Elbasan
2. Pallati i Sportit, Rruga “Janaq Kilica”, Elbasan 
3. Qendra Kulturore e Femijeve, Rruga “Ismail Zyma”, Elbasan

Për Bashkinë Kamëz: 

1. Gjimnazi “Isa Boletini”, Rruga “Demokracia” Nr. 539, Paskuqan, Tiranë
2. Shkolla 9 vjeçare “Halit Coka”, Rruga Gjallica, Nr. 38, Bathore, Tiranë

Për Bashkinë Vorë: 

1. Shkolla 9 vjeçare (e Re), Rruga “Rinia”, Nr. 159, Vorë

Mjediset publike ku po zhvillohet demostrimi i PEVN do të jenë të hapura nga ora 10:00 deri në 17:00.