Caktohen partitë që do të propozojnë anëtarin e tretë dhe të katërt të GNV

24/04/2023 | Lajme

Sot, Komisioneri Shtetëror i Zgjedhjeve shqyrtoi administrativisht  denoncimin nr. 339, për hapje të zyrës zgjedhore nga Koalicioni “Bashkë Fitojmë”, në kundërshtim me udhëzimin nr. 6, datë 23.03.2021, të Komisionerit Shtetëror të Zgjedhjeve, për zgjedhjet për organet e qeverisjes vendore të datës 14 maj 2023. Komisioneri deklaroi se në bashkërendim me subjektin zgjedhor të sigurohet respektimi i dispozitave ligjore.

Gjithashtu, Komisioneri caktoi partitë politike që do të propozojnë anëtarin e tretë dhe të katërt të Grupeve të Numërimit të Votave. Komisioneri vendosi që anëtarin e tretë të grupeve të numërimit të votave ka të drejtë ta propozojë Partia Socialiste e Shqipërisë dhe anëtari i katërt i grupeve të numërimit të votave do të propozohet nga partitë politike të opozitës, Partia e Lirisë dhe Partia Drejtësi Inetgrim dhe Unitet. Shorti për caktimin e anëtarit të katërt mes PDIU dhe PL do të hidhet në seancën e radhës.

LajmeCaktohen partitë që do të propozojnë anëtarin e tretë dhe të katërt të GNV